سورة یوسف - آیت 60

فَإِن لَّمْ تَأْتُونِي بِهِ فَلَا كَيْلَ لَكُمْ عِندِي وَلَا تَقْرَبُونِ

ترجمہ ترجمان القرآن - مولانا ابوالکلام آزاد

لیکن اگر تم اسے میرے پاس نہ لائے تو پھر یاد رکھو نہ تو تمہارے لیے میرے پاس کچھ خریدوفروخت ہوگی نہ تم میرے نزدیک جگہ پاؤ گے۔

تسہیل البیان فی تفسیر القرآن - ام عمران شکیلہ بنت میاں فضل حسین

یوسف علیہ السلام نے بھائیوں سے کہا کہ اپنی سچائی کے اظہار کے لیے اپنے بھائی کو جیسے اس مرتبہ تم اپنے ساتھ نہیں لائے اگر اب آؤ تو لیتے آنا اور دیکھو میں نے تم سے اچھا سلوک کیا ہے۔ اور تمھاری بڑی خاطر تواضع کی ہے۔ اس طرح رغبت دلا کر پھر دھمکا بھی دیا کہ اگر تم اپنے بھائی کو ساتھ نہ لائے تو میں سمجھوں گا کہ تم جھوٹے تھے۔ لہٰذا اس صورت میں نہ تمھیں غلہ مل سکے گا اور نہ تمھیں اپنے نزدیک آنے ہی دوں گا۔ بلکہ میرے ہاں آنے کی کوشش ہی نہ کرنا۔