سورة یوسف - آیت 22

وَلَمَّا بَلَغَ أَشُدَّهُ آتَيْنَاهُ حُكْمًا وَعِلْمًا ۚ وَكَذَٰلِكَ نَجْزِي الْمُحْسِنِينَ

اور پھر جب ایسا ہوا کہ یوسف اپنی جوانی کو پہنچا تو ہم نے اسے کار فرمائی کی قوت اور علم کی فراوانی بخشی، ہم نیک عملوں کو ایسا ہی (ان کی نیک عملی کا) بدلہ عطا فرماتے ہیں۔

مفسرین کے قول کے مطابق جب آپ سترہ سال کی عمر میں مصر پہنچے اور تین سال لے لگ بھگ عزیز مصر کے گھر میں رہے اسی دوران اللہ تعالیٰ نے آپ کو قوت فیصلہ اور حکمرانی کے اصول بھی سکھا دیے۔ اور علم بھی عطا فرمایا۔ نبوت سے آپ کو مخصوص کیا۔ یہ کوئی نئی بات نہیں ہم بے شک نیک کاروں کو اسی طرح بھلا بدلہ دیتے ہیں۔