حضرت یوسف علیہ السلام کے ایک ہی ماں سے دوسرے بھائی بنیامین تھے۔ باقی سب بھائی دوسری دو ماؤں سے تھے یہ سب بھائی آپس میں کہتے ہیں کہ باپ کی خدمت تو ہم کرتے ہیں، کما کر ہم لاتے ہیں مشکل کے وقت کام ہم آتے ہیں اور شفقت اور پیار ہمارے بجائے یوسف اور اس کے بھائی پر ہوتا ہے۔ چاہیے تو تھا کہ باپ کی زیادہ توجہ ہماری طرف ہوتی ان حقائق کے باوجود ہمارا باپ الٰہی دونوں کی محبت میں ڈوبا ہوا ہے۔ ہمارا باپ صریح غلطی پر ہے۔