سورة ھود - آیت 97

إِلَىٰ فِرْعَوْنَ وَمَلَئِهِ فَاتَّبَعُوا أَمْرَ فِرْعَوْنَ ۖ وَمَا أَمْرُ فِرْعَوْنَ بِرَشِيدٍ

فرعون اور اس کے سرداروں کی طرف، مگر وہ فرعون کی بات پر چلے اور فرعون کی بات راست بازی کی بات نہ تھی۔

مَلَائٍ: قوم کے اشرف اور ممتاز لوگوں کو کہا جاتا ہے۔ فرعون کے ساتھ اس کے دربار کے ممتاز لوگوں کا نام اس لیے لیا گیا ہے کہ اشرافِ قوم ہی ہر معاملے کے ذمہ دار ہوتے تھے اور قوم ان ہی کے پیچھے چلتی تھی اور اگر یہ موسیٰ علیہ السلام پر ایمان لے آتے تو یقینا فرعون کی ساری قوم ایمان لے آتی۔ لیکن انھوں نے فرعون کی اطاعت نہ چھوڑی اور موسیٰ علیہ السلام کی دعوت کو رد کردیا جو کہ رشد وہدایت والی تھی۔