قَالُوا أَتَعْجَبِينَ مِنْ أَمْرِ اللَّهِ ۖ رَحْمَتُ اللَّهِ وَبَرَكَاتُهُ عَلَيْكُمْ أَهْلَ الْبَيْتِ ۚ إِنَّهُ حَمِيدٌ مَّجِيدٌ
انہوں نے کہا کیا تو اللہ کے کاموں پر تعجب کرتی ہے؟ اللہ کی رحمت اور اس کی رحمت اور برکتیں تجھ پر ہوں اے اہل خانہ ابراہیم ! (اس کے فضل و کرم سے یہ بات کچھ بعید نہیں ہے) بلاشبہ اسی کی ذات ہے جس کی ستائشیں کی جاتی ہیں اور وہی ہے جس کے لیے ہر طرح کی بڑائیاں ہیں۔
فرشتے کہنے لگے کہ آپ اللہ کی قضا و قدر پر کس طرح تعجب کا اظہار کرتی ہو جبکہ اس کے لیے کوئی چیز مشکل نہیں؟ اللہ جو چاہے وہ اس کے کرنے پر قادر ہے۔ اور سیدنا ابراہیم علیہ السلام کے گھر والوں پر تو اللہ کی رحمتیں اور برکتیں نازل ہوتی ہی رہی ہیں۔ اور آئندہ بھی ہوتی رہیں گی۔ جن میں سے ایک ہونے والا بچے اسحاق کی پیدائش بھی ہے۔ اللہ تعالیٰ تعریفوں والا اور بزرگ ہے۔