یعنی اللہ کو تو مختار کل ماننے کے لیے بے شمار نشانیاں ہیں جن میں سے ایک یہ ہے کہ اس نے رات اور دن پیدا کیے، رات اطمینان و سکون اور آرام حاصل کرنے کے لیے ہے اور دن کو روشن اور اُجالے والا بنا دیا تاکہ تم اس میں کام کاج کرو۔ معاش اور روزی تلاش کرو، سفر تجارت اور کاروبار کر سکو۔ ان دلیلوں میں بہت کچھ عبرت ہے۔ لیکن اس سے فائدہ وہی اٹھاتے ہیں جو ان آیتوں کو دیکھ کر ان کے خالق کی عظمت و جلالت کا تصور رکھتے ہیں جو خالق و مالک کی قدرت و عزت کرتے ہیں۔