سورة التوبہ

أَوَلَا يَرَوْنَ أَنَّهُمْ يُفْتَنُونَ فِي كُلِّ عَامٍ مَّرَّةً أَوْ مَرَّتَيْنِ ثُمَّ لَا يَتُوبُونَ وَلَا هُمْ يَذَّكَّرُونَ

(افسوس ان پر) کیا یہ نہیں دیکھتے کہ کوئی برس اس سے خالی نہیں جاتا کہ ایک مرتبہ یا دو مرتبہ آزمائش میں نہ ڈالے جاتے ہوں پھر بھی یہ ہیں کہ نہ تو توبہ کرتے ہیں نہ نصیحت پکڑتے ہیں۔

یہ منافق اتنا بھی نہیں سوچتے کہ ہر سال وہ ایک یا دو دفعہ کسی نہ کسی عذاب میں مبتلا کیے جاتے ہیں کبھی قحط سالی، کبھی جنگ، کبھی انکی سازش پکڑی جاتی ہے کبھی ان کا کوئی راز فاش ہوجاتا ہے۔ کبھی خود ہی ایسی بکواس کر بیٹھتے ہیں جن سے انھیں رسوا ہونا پڑتا ہے پھر بھی نہ انھیں اپنے گزشتہ گناہوں سے توبہ نصیب ہوتی ہے نہ آئندہ کے لیے عبرت پکڑتے ہیں اس طرح ان کے دلوں کی نجاست میں ہر آن اضافہ ہوتا رہتا ہے۔