سورة الاعراف

وَقَالُوا مَهْمَا تَأْتِنَا بِهِ مِنْ آيَةٍ لِّتَسْحَرَنَا بِهَا فَمَا نَحْنُ لَكَ بِمُؤْمِنِينَ

اور فرعون کی قوم نے کہا (اے موسی) تو ہم پر اپنا جادو چلانے کے لیے کتنی ہی نشانیاں لائے مگر ہم ماننے والے نہیں۔

ان کی سر کشی اور ضد کی انتہا دیکھیے کہ قحط اور خشک سالی کے مصائب کو بھی مو سیٰ علیہ السلام کے جادو کا نتیجہ قرار دے رہے ہیں، کہتے ہیں آپ خواہ کتنی ہی دلیلیں پیش کریں، کیسے ہی معجزے دکھائیں ہم ایمان لانے والے نہیں، ہم جانتے ہیں کہ یہ سب تمہارے جادو کے کرشمے ہیں۔