سورة الاعراف

وَلَقَدْ أَخَذْنَا آلَ فِرْعَوْنَ بِالسِّنِينَ وَنَقْصٍ مِّنَ الثَّمَرَاتِ لَعَلَّهُمْ يَذَّكَّرُونَ

اور یہ واقعہ ہے کہ ہم نے فرعون کی قوم کو خشک سالی کے برسوں اور پیداوار کے نقصان میں مبتلا کیا تھا تاکہ وہ متنبہ ہوں۔

آل فرعون پر بھی سختی آئی، یعنی بارشوں کا فقدان، درختوں میں کیڑے، پیدا وار میں کمی ۔ یہاں تک کہ ایک درخت میں صرف ایک ہی کھجور لگی، اور یہ صرف بطور آزمائش تھا، کہ شاید وہ اب بھی ٹھیک ہو جائیں، خو شحالی دیکھ کر تو بہت اکڑتے تھے قحط سالی دیکھ کر ظلم و تکبر سے باز آجائیں جس میں وہ مبتلا تھے۔