سورة الاعراف

قَالَ يَا قَوْمِ لَيْسَ بِي سَفَاهَةٌ وَلَٰكِنِّي رَسُولٌ مِّن رَّبِّ الْعَالَمِينَ

ہود نے کہا، بھائیو ! میں احمق نہیں ہوں۔ میں تو اس کی طرف سے جو تمام جہانوں کا پروردگار ہے فرستادہ ہوں۔

ہود نے جواب میں کہا! نہ میں نادان ہوں نہ جھوٹا بلکہ اس اللہ کا جسے تم بھی رب اکبر تسلیم کرتے ہو۔ وہ ہر چیز کا مالک ہے خالق ہے اور تمہیں اللہ کا پیغام ہی پہنچا رہا ہوں۔ خود اپنے پاس سے کچھ نہیں کہہ رہا۔ تمہاری خیر خواہی کرتا ہوں، یہی دو صفتیں ہیں جو تمام رسولوں میں یکساں ہوتی ہیں۔ یعنی(۱)پیغام حق پہنچانا۔ (۲) اور لوگوں کی بھلائی چاہنا اور امانت داری کا نمونہ بننا۔