سورة الاعراف - آیت 41

لَهُم مِّن جَهَنَّمَ مِهَادٌ وَمِن فَوْقِهِمْ غَوَاشٍ ۚ وَكَذَٰلِكَ نَجْزِي الظَّالِمِينَ

ترجمہ ترجمان القرآن - مولانا ابوالکلام آزاد

ان کے نیچے آگ کا بچھونا ہوگا اور اوپر آگ کی چادر، ہم ظلم کرنے والوں کو ان کے ظلم کا ایسا ہی بدلہ دیتے ہیں۔

تسہیل البیان فی تفسیر القرآن - ام عمران شکیلہ بنت میاں فضل حسین

آگ کا فرش ہوگا۔ ہر طرف سے آگ میں گھرے ہونگے۔ ان کے لیے ان کے اوپر بھی آگ ہوگی۔ ظالم لوگ، تکذیب اور جرم میں سب سے آگے رہے اس لیے یہی انکا صلہ ہوگا۔ جہنم کا احاطہ چار دیواروں پر مشتمل ہے۔ جن کا فاصلہ چالیس برس تک کا ہے۔