سورة الذاريات

وَقَوْمَ نُوحٍ مِّن قَبْلُ ۖ إِنَّهُمْ كَانُوا قَوْمًا فَاسِقِينَ

اور ان (مذکورہ قوموں) سے پہلے ہم قوم نوح کو ہلاک کرچکے ہیں کیونکہ وہ بڑے ہی نافرمان لوگ تھے (٦)۔

(٦)۔ آیت ٣١ سے ٤٢ تک انبیا اور بعض گزشتہ قوموں کے انجام کی طرف پے درپے اشارات کیے ہیں جس سے یہ بتانا مقصود ہے کہ اللہ کا قانون اور مکافات برابر کام کرتارہا ہے اور نیکوکاروں کے لیے انعام اور ظالموں کے لیے سزا کی مثالیں مسلسل پائی جاتی ہیں جب دنیا میں مکافات عمل کاسلسلہ جاری ہے تو اس طبعی نظام کے ختم ہوجانے کے بعداعمال کے نتائج کا کامل طور پر نہایت ضروری ہے۔