سورة غافر - آیت 24

إِلَىٰ فِرْعَوْنَ وَهَامَانَ وَقَارُونَ فَقَالُوا سَاحِرٌ كَذَّابٌ

ترجمہ ترجمان القرآن - مولانا ابوالکلام آزاد

فرعون اور ہامان اور قارون کی طرف مگر انہوں نے اسے جادوگر، اور جھوٹا بتایا (٤)۔

تفسیر ترجمان القرآن - مولانا ابوالکلام آزاد

(٤) قارون بنی اسرائیل میں سے سب سے زیادہ مالدار تھا جو موسیٰ (علیہ السلام) کے خلاف فرعونی سیاست سے وابستہ تھا اور ہامان فرعون کا درباری اور وزیر تھا اور یہ ہامان وہ نہیں ہے جوایران کے بادشاہ اخسو یرس کے دربار میں امیر تھا جیسا کہ بعض مستشرقین نے اعتراض کیا ہے۔