سورة نوح - آیت 1

إِنَّا أَرْسَلْنَا نُوحًا إِلَىٰ قَوْمِهِ أَنْ أَنذِرْ قَوْمَكَ مِن قَبْلِ أَن يَأْتِيَهُمْ عَذَابٌ أَلِيمٌ

ترجمہ ترجمان القرآن - مولانا ابوالکلام آزاد

ہم نے نوح کو ان کی قوم کی طرف (رسول بناکر) بھیجا اور حکم دیا کہ اپنی قوم کے لوگوں کو خبردار کردے، قبل اس کے کہ ان پر دردناک عذاب آنازل ہو (٢)۔

تفسیرسراج البیان - محممد حنیف ندوی

سورۃ نوح (ف 2) حضرت نوح ایک بڑے جلیل القدر پیغمبر ہیں ۔ اس سورۃ میں ان کی تبلیغ واشاعت کے حالات تفصیل کے ساتھ بیان فرمائے ہیں کہ وہ جب تشریف لائے تو کیونکر انہوں نے حق وصداقت کی تلقین کی اور کس حد تک مخالفین کی تکلیفوں کو برداشت کیا ۔