سورة الشورى - آیت 6

وَالَّذِينَ اتَّخَذُوا مِن دُونِهِ أَوْلِيَاءَ اللَّهُ حَفِيظٌ عَلَيْهِمْ وَمَا أَنتَ عَلَيْهِم بِوَكِيلٍ

ترجمہ ترجمان القرآن - مولانا ابوالکلام آزاد

اور جن لوگوں نے اللہ کے سوادوسروں کو کارساز بنارکھا ہے اللہ ان پر نگران ہے اور آپ ان پر مختار کار نہیں ہیں (٤)۔

تفسیرسراج البیان - محممد حنیف ندوی

(ف 2) حضور کو ان مشرکین سے بڑی ہمدردی تھی ۔ آپ دل سے یہ چاہتے تھے کہ یہ لوگ ہدایت سے بہرہ مند ہوجائیں ۔ اور پھر جب آپ دیکھتے کہ یہ لوگ قرآن کو نہیں مانتے اور توحید کے اسرار کو نہیں سمجھتے ہیں ۔ تو آپ کو روحانی کوفت ہوتی ۔ اس پر اللہ تعالیٰ نے فرمایا کہ آپ ہدایت کے اجارہ دار نہیں ۔ اگر یہ لوگ نہیں مانتے تو نہ مانیں ۔ آپ کوئی فکر نہ کریں ۔ اور بہرحال اپنے فراض تبلیغ میں مصروف رہیں ۔