سورة الأحزاب - آیت 58

وَالَّذِينَ يُؤْذُونَ الْمُؤْمِنِينَ وَالْمُؤْمِنَاتِ بِغَيْرِ مَا اكْتَسَبُوا فَقَدِ احْتَمَلُوا بُهْتَانًا وَإِثْمًا مُّبِينًا

ترجمہ ترجمان القرآن - مولانا ابوالکلام آزاد

جولوگ مومن مردوں اور عورتوں کو بغیر اس کے کہ انہوں نے کسی جرم کا ارتکاب کیا ہوتکلیف دیتے ہیں توبلاشبہ وہ لوگ بہتان اور صریح گناہ کابوجھ اٹھاتے ہیں

تفسیرسراج البیان - محممد حنیف ندوی

(ف 2) اللہ تعالیٰ کو مسلمان مردوں اور مسلمان عورتوں کی عزت اور حرمت نہایت عزیز ہے ۔ وہ نہیں چاہتے کہ کوئی شخص کسی مرد مسلمان کو ذلیل کرے ۔ کیونکہ مسلمان کی عزت اور حرمت سے کائنات کا نظام حیات قائم ہے ۔ مسلمان کی ذلت کے معنی حق وصداقت کی تذلیل ہے ۔ اور خدا پرستوں کی ایسی جماعت کی تحقیر ہے جو کائنات میں امام ہیں اور ساری دنیا کی راہ نمائی جن کا دینی فرض ہے ۔