سورة النمل - آیت 83

وَيَوْمَ نَحْشُرُ مِن كُلِّ أُمَّةٍ فَوْجًا مِّمَّن يُكَذِّبُ بِآيَاتِنَا فَهُمْ يُوزَعُونَ

ترجمہ ترجمان القرآن - مولانا ابوالکلام آزاد

اور اس دن (کاتصور کرو) جب ہم ہر ایک امت میں سے اایک ایک گروہ ان لوگوں کا جمع کریں گے جو ہماری آیات جھٹلاتے تھے پھر ان کو جمع کرنے کی غرض سے روکا جائے گا

تفسیر سراج البیان - مولانا حنیف ندوی

ف 1: یعنی قیامت میں ہر جماعت میں سے منکرین کے گروہ کو جمع کیا جائے گا ۔ کہ تم لوگ دنیا میں ان حقائق کا انکار کرتے تھے ۔ اور میری نشانیوں کی تکذیب کرتے تھے ۔ حالانکہ انہیں اتنا پورا پورا علم نہ تھا ۔ آج بتاؤوہ تمہاری تکذیب کیا ہوئی ۔ اور تمہاری شوخیاں کہاں گئیں *۔ ارشاد ہے ۔ کہ اس وقت یہ لوگ خاموش ہوجائیں گے ۔ ان کی زبانیں گنگ ہوجائیں گی ۔ اور یہ کوئی جواب نہ دے سکیں گے *۔ حل لغات :۔ فوجا ۔ ایک جماعت *