سورة الحج - آیت 3

وَمِنَ النَّاسِ مَن يُجَادِلُ فِي اللَّهِ بِغَيْرِ عِلْمٍ وَيَتَّبِعُ كُلَّ شَيْطَانٍ مَّرِيدٍ

ترجمہ ترجمان القرآن - مولانا ابوالکلام آزاد

اور (دیکھو) کچھ لوگ ایسے ہیں جو اللہ کے بارے میں جھگڑتے ہیں اور ان کے پاس کوئی علم نہیں، وہ ہر سرکش شیطان کے پیچھے ہو لیتے ہیں۔

تفسیرسراج البیان - محممد حنیف ندوی

(ف2) یعنی بعض لوگ ایسے بدبخت اور محروم سعادت ہیں ، کہ وہ خدا کی وسعتوں اور قدرتوں سے پوری طرح آگاہ ہونے کے باوجود انکار کرتے ہیں ، اور یہ تسلیم نہیں کرتے کہ قیامت آئے گی ، اور دنیا کو فنا کرکے دوبارہ زندہ کیا جائے گا ۔ حل لغات : عَلَقَةٍ: عام لوگوں نے اس کا ترجمہ پارہ خون بستہ یعنی جمے ہوئے خون کا ٹکڑا کیا ہے ، مگر حقیقتا اس سے مراد جرثومہ حیات ہے ۔