سورة الجن - آیت 28

لِّيَعْلَمَ أَن قَدْ أَبْلَغُوا رِسَالَاتِ رَبِّهِمْ وَأَحَاطَ بِمَا لَدَيْهِمْ وَأَحْصَىٰ كُلَّ شَيْءٍ عَدَدًا

ترجمہ ترجمان القرآن - مولانا ابوالکلام آزاد

تاکہ معلوم ہوجائے کہ انہوں نے اپنے رب کے پیغامات پہنچادیے، اور جو کچھ ان کے پاس ہے اس کا احاطہ کیے ہوئے ہے اور اس نے ایک ایک چیز کو گن رکھا ہے۔

تفسیر ثنائی - ثنا اللہ امرتسری

تا کہ اللہ اس رسول پر ظاہر کر دے کہ ان فرشتوں نے اپنے رب کے پیغامات پورے پورے پہنچا دئیے اور اللہ کو ذاتی علم تو ہر چیز کا ہے کیونکہ اس نے ان کے پاس کی ساری چیزوں پر علمی احاطہ کیا ہوا ہے اور ہر چیز کو ایک ایک کر کے گن رکھا ہے۔