سورة الجن - آیت 6

وَأَنَّهُ كَانَ رِجَالٌ مِّنَ الْإِنسِ يَعُوذُونَ بِرِجَالٍ مِّنَ الْجِنِّ فَزَادُوهُمْ رَهَقًا

ترجمہ ترجمان القرآن - مولانا ابوالکلام آزاد

اور یہ کہ انسانوں میں سے کچھ لوگ جنوں میں سے کچھ لوگوں کی پناہ پکڑا کرتے تھے اس طرح انہوں نے جنوں کو اور بھی زیادہ مغرور بنادیا

تفسیر ثنائی - ثنا اللہ امرتسری

اور اس قرآن کے اترنے سے پہلے کئی انسان جنگلوں میں چلتے ہوئے جنوں کی پناہ لیا کرتے تھے جب کبھی کسی گھن کے جنگل میں اترتے تو پہلے کہہ لیتے نَعُوْذُ بِسَیِّدِ ھٰذَا الْوَادِیْ ہم اس جنگل کے سردار بڑے جن کی پناہ لیتے ہیں پھر اتنا کہنے سے وہ جن ! ان کو بجائے فائدہ پہنچانے کے نقصان پہنچاتے