سورة الجن - آیت 1

قُلْ أُوحِيَ إِلَيَّ أَنَّهُ اسْتَمَعَ نَفَرٌ مِّنَ الْجِنِّ فَقَالُوا إِنَّا سَمِعْنَا قُرْآنًا عَجَبًا

ترجمہ ترجمان القرآن - مولانا ابوالکلام آزاد

اے نبی (ان سے) کہہ دیجئے کہ میری طرف وحی کی گئی ہے کہ جنوں کے ایک گروہ نے (مجھے قرآن پڑھتے) غور سے سنا پھر (جاکر اپنی قوم کے لوگوں سے کہا) کہ ہم نے بڑا ہی عجیب (قسم کا) قرآن سنا ہے

تفسیر ثنائی - ثنا اللہ امرتسری

اے نبی (علیہ السلام) تو ان منکرین کو کہہ میری طرف اللہ کی وحی آئی ہے کہ جنوں کی ایک جماعت نے میرے پڑھتے ہوئے قرآن سنا تو سن کر کہا کہ ہم نے عجیب قرآن سنا ہے جو حضرت موسیٰ کے بعد اترا ہے