إِن تَتُوبَا إِلَى اللَّهِ فَقَدْ صَغَتْ قُلُوبُكُمَا ۖ وَإِن تَظَاهَرَا عَلَيْهِ فَإِنَّ اللَّهَ هُوَ مَوْلَاهُ وَجِبْرِيلُ وَصَالِحُ الْمُؤْمِنِينَ ۖ وَالْمَلَائِكَةُ بَعْدَ ذَٰلِكَ ظَهِيرٌ
اگر تم دونوں خدا کی طرف رجوع کرو (تویہ تمہارے لیے بہتر ہے) کیونکہ تمہارے دل مائل ہوچکے ہیں اور اگر رسول اللہ کے مقابلے میں ایکا کرو گی تو جان لوگو کہ اللہ ان کا مددگار ہیی اور جبرائیل اور نیک مسلمان بھی ان کے ساتھ ہیں اور سب کے بعد ملائکہ بھی انہی کے مددگار ہیں
اب ہم اس راز افشا کرنے والی اور دوسری سن کے آگے کہنے والی دونوں کو مخاطب کر کے حکم دیتے ہیں اے نبی کی بیویو ! اب تم اپنا حال سنو ! تم میں سے ایک وہ جس کو نبی نے راز بتایا تھا دوسری وہ جس کو اس بیوی نے راز بتایا اور اس نے شائع کیا تم دونوں بیویاں اس غلطی سے توبہ کرو (تو تم کو مناسب ہے) کیونکہ تمہارے دل اس غلط کاری سے بگڑ چکے ہیں اور اگر بفرض محال اس (رسول) کے خلاف منشا سازشیں کرو گی تو اس کا کچھ نہ بگاڑ سکو گی کیونکہ اللہ خود جبرئیل فرشتہ اور جملہ نیک ایماندار لوگ اس کے ہوا خواہ اور محب ہیں علاوہ ازیں تمام فرشتے اپنی اپنی حیثیت میں اس کے مددگار ہیں