سورة الممتحنة - آیت 7

عَسَى اللَّهُ أَن يَجْعَلَ بَيْنَكُمْ وَبَيْنَ الَّذِينَ عَادَيْتُم مِّنْهُم مَّوَدَّةً ۚ وَاللَّهُ قَدِيرٌ ۚ وَاللَّهُ غَفُورٌ رَّحِيمٌ

ترجمہ ترجمان القرآن - مولانا ابوالکلام آزاد

اللہ تعالیٰ کے فضل سے کچھ بعید نہیں کہ اللہ تعالیٰ تمہارے اور ان کے درمیان، جو تمہارے دشمن ہیں، دوستی پیدا کردے اور اللہ قدرت والا ہے اور غفور رحیم ہے۔

تفسیر ثنائی - ثنا اللہ امرتسری

سنو ! تمہیں اپنے مخالفوں کی پروا نہ کرنی چاہیے قریب ہے کہ اللہ تم میں اور تمہارے بعض سخت دشمنوں میں محبت پیدا کر دے گا یعنی ان کو اسلام سے بہرہ ور کر دے گا تو وہ خود بخود تم سے محبت کریں گے اور یقین کرو کہ اللہ بڑی قدرت والا بڑا بخشنہار مہربان ہے