سورة الرحمن - آیت 8
أَلَّا تَطْغَوْا فِي الْمِيزَانِ
ترجمہ ترجمان القرآن - مولانا ابوالکلام آزاد
جس طرح آفتاب ومہتاب، درخت اور آسمان اپنے محدود نظام عدل سے تجاوز نہیں کرتے
تفسیر ثنائی - ثنا اللہ امرتسری
اور لوگوں کو حکم دیا کہ اس قانون کے مطابق انصاف کیا کرو وہ قانون یہ ہے۔ {اِذَا قُلْتُمْ فَاعْدِلُوْا وَلَوْ کَانَ ذَا قُرْبٰی} جب بولو انصاف سے بولو۔ چاہے کوئی فریق تمہارے زیادہ قریب ہے۔ اللہ کی ذات اور صفت کے متعلق تو خاص کر انصاف کیا کرو۔ کوئی بات یا کوئی عقیدہ غلط منہ سے نہ نکالو نہ دل میں جمائو ورنہ گرفت میں آجائو گے۔ اس لئے انصاف کا قانون بنایا اور تم کو حکم دیتا ہے کہ تم لوگ اے نوع انسان انصاف کرنے میں بے اعتدالی نہ کرو۔