سورة الحجرات - آیت 15

إِنَّمَا الْمُؤْمِنُونَ الَّذِينَ آمَنُوا بِاللَّهِ وَرَسُولِهِ ثُمَّ لَمْ يَرْتَابُوا وَجَاهَدُوا بِأَمْوَالِهِمْ وَأَنفُسِهِمْ فِي سَبِيلِ اللَّهِ ۚ أُولَٰئِكَ هُمُ الصَّادِقُونَ

ترجمہ ترجمان القرآن - مولانا ابوالکلام آزاد

درحقیقت مومن تو وہ ہیں جو اللہ اور اس کے رسول پر ایمان لائے پھر انہوں نے کبھی شک نہیں کیا اور اپنی جانوں اور مالوں سے اللہ کی راہ میں جہاد کیا، یہی لوگ ہیں جو سچے (مومن) ہیں۔

تفسیر ثنائی - ثنا اللہ امرتسری

چونکہ ذکر ایمانداروں کا چل پڑا ہے اس لئے اصل حقیقت تم کو بتائی جاتی ہے کہ ایماندار وہ لوگ ہیں جو اللہ کی خالص توحید پر ایمان لاتے ہیں اور اس کے رسول کی رسالت پر پھر اس ایمان پر جم کر الٰہی احکام میں کبھی شک وشبہہ نہیں کرتے۔ اور اپنے مالوں اور نفسوں کے ذریعے سے اللہ کی راہ میں جہاد کرتے ہیں یعنی اگر موقع جان لڑانے کا ہو تو جان سے بھی حاضر ہیں۔ مال کی تو کچھ حقیقت ہی نہیں۔ سچ تو یہ ہے کہ یہی لوگ اپنے دعوے میں سچے ہیں رہے