سورة الجن - آیت 25

قُلْ إِنْ أَدْرِي أَقَرِيبٌ مَّا تُوعَدُونَ أَمْ يَجْعَلُ لَهُ رَبِّي أَمَدًا

ترجمہ ترجمان القرآن - مولانا ابوالکلام آزاد

اے پیغمبر ان سے) کہیے کہ میں نہیں جانتا کہ جس (عذاب) کا تم سے وعدہ کیا جارہا ہے وہ قریب ہے یا میرا رب اس کے لیے ایک مدت مقرر فرماتا ہے

تفسیر السعدی - عبدالرحمٰن بن ناصر السعدی

﴿ قُلْ﴾ ” کہہ دیجئے:“ اگر وہ آپ سے پوچھیں ﴿ مَتَىٰ هَـٰذَا الْوَعْدُ﴾( یونس:10؍48) ” یہ وعدہ کب پورا ہوگا؟“ تو ان سے کہہ دیجئے : ﴿اِنْ اَدْرِیْٓ اَقَرِیْبٌ مَّا تُوْعَدُوْنَ اَمْ یَجْعَلُ لَہٗ رَبِّیْٓ اَمَدًا﴾ ” میں نہیں جانتا کہ تم سے جو وعدہ کیا جاتا ہے، وہ قریب ہے یا میرے رب نے اس کی مدت دراز کردی ہے؟ “ یعنی وہ اس کی کوئی طویل مدت مقرر کرتا ہے تو اس کا علم اللہ تعالیٰ کے پاس ہے۔