سورة القمر - آیت 55

فِي مَقْعَدِ صِدْقٍ عِندَ مَلِيكٍ مُّقْتَدِرٍ

ترجمہ ترجمان القرآن - مولانا ابوالکلام آزاد

ایسے بادشاہ کے قریب سچے مقام میں ہوں گے جو بڑا صاحب قدرت ہے۔

السعدی تفسیر - عبدالرحمن بن ناصر السعدی

(فِیْ مَقْعَدِ صِدْقٍ عِنْدَ مَلِیْکٍ مُّقْتَدِرٍ) حقیقی عزت کی جگہ ہر طرح کی قدرت رکھنے والے بادشاہ کی بارگاہ میں۔ اس کے بعد مت پوچھیے کہ ان کارب اپنی طرف سے کیسی کیسی عزت تکریم اور جودوکرم سے نوازے گا اور ان پر اپنے بے پایاں احسانات اور نوازشات میں اضافہ کرتا چلاجائے گا اللہ ہمیں بھی ان لوگوں میں شامل کرے، ہمارے دامن میں جو برائیاں ہیں ان کی بنا پر ہمیں ان بھلائیون سے محروم نہ کرے جو اس کے سایہ رحمت میں ہیں۔ (آمین)۔