سورة الشورى - آیت 35

وَيَعْلَمَ الَّذِينَ يُجَادِلُونَ فِي آيَاتِنَا مَا لَهُم مِّن مَّحِيصٍ

ترجمہ ترجمان القرآن - مولانا ابوالکلام آزاد

اور ہماری آیتوں میں جھگڑا کرنے والوں کو معلوم ہوجائے کہ ان کے لیے کوئی جائے فرار نہیں

تفسیر السعدی - عبدالرحمٰن بن ناصر السعدی

پھر فرمایا : ﴿وَيَعْلَمَ الَّذِينَ يُجَادِلُونَ فِي آيَاتِنَا ﴾ ” اور جان لیں وہ لوگ جو ہماری آیتوں کے بارے میں جھگڑتے ہیں۔“ کہ اپنے باطل نظریہ کے ذریعے انہیں جھٹلاتے ہیں۔ ﴿مَا لَهُم مِّن مَّحِيصٍ﴾ اس عذاب سے انہیں کوئی بچا نہیں سکے گا جو ان پر نازل ہوگا۔