سورة الصافات

وَإِنَّ يُونُسَ لَمِنَ الْمُرْسَلِينَ

اور بے شک یونس بھی پیغمبروں میں سے تھا (١٥)۔

یہ اللہ تعالیٰ کی طرف سے، اپنے بندے اور یونس بن مَتّیٰ کی مدح و ثنا ہے، جیسا کہ اس نے آپ کے بھائی دیگر انبیاء و مرسلین کو نبوت، رسالت اور دعوت الی اللہ کے ذریعے سے مدح و ثنا سے نوازا۔ اللہ تعالیٰ نے ان کے بارے میں ذکر فرمایا کہ اس نے حضرت یونس علیہ السلام کو دنیاوی عقوبت میں مبتلا کیا، پھر آپ کے ایمان اور اعمال صالحہ کے سبب سے آپ کو اس عذاب سے نجات دی۔