سورة الشعراء

أَفَبِعَذَابِنَا يَسْتَعْجِلُونَ

تو کیا یہ لوگ ہمارے عذاب کے لیے جلدی مچارہے ہیں؟

اللہ تبارک و تعالیٰ فرماتا ہے :﴿ أَفَبِعَذَابِنَا﴾ ” کیا یہ ہمارے عذاب کے لئے۔“ جو بہت بڑا اور دردناک عذاب ہے جسے ہیچ سمجھا جاسکتا ہے نہ حقیر جانا جاسکتا ہے ﴿ يَسْتَعْجِلُونَ ﴾ ” جلدی مچاتے ہیں؟“ کس چیز نے ان کو فریب میں مبتلا کر رکھا ہے؟ کیا اس عذاب کو برداشت کرنے کی ان میں قوت اور طاقت ہے؟ جب یہ عذاب نازل ہوجائے گا تو کیا یہ اس کو دور کرنے یا اس کو اٹھا لینے کی قوت رکھتے ہیں۔۔۔ یا یہ ہمیں عاجز سمجھتے ہیں اور گمان رکھتے ہیں کہ ہم عذاب نازل کرنے کی قدرت نہیں رکھتے؟