سورة الشعراء - آیت 131

فَاتَّقُوا اللَّهَ وَأَطِيعُونِ

ترجمہ ترجمان القرآن - مولانا ابوالکلام آزاد

پس اللہ سے ڈر جاؤ اور میری اطاعت میں آجاؤ

تفسیر السعدی - عبدالرحمٰن بن ناصر السعدی

” کون ہے ہم سے زیادہ طاقتور؟“ اور انہوں نے اپنی قوت و طاقت کو اللہ تعالیٰ کی نافرمانی، عبث اور سفاہیت کے کاموں میں استعمال کیا، اس لئے ان کے نبی نے ان کو ان کاموں سے روکا۔ ﴿فَاتَّقُوا اللَّـهَ﴾ ” پس تم اللہ سے ڈرو۔“ یعنی تم اپنے شرک اور تکبر کو چھوڑ دو ﴿وَأَطِيعُونِ﴾ ” اور میری اطاعت کرو۔“ کیونکہ تم جانتے ہو کہ مجھے تمہاری طرف رسول بنا کر بھیجا گیا ہے اور میں خیر خواہ اور امین ہوں۔