سورة الأنبياء - آیت 100
لَهُمْ فِيهَا زَفِيرٌ وَهُمْ فِيهَا لَا يَسْمَعُونَ
ترجمہ ترجمان القرآن - مولانا ابوالکلام آزاد
ان کے لیے دوزخ میں (صرد دکھ اور جلن کی) چیخیں ہوں گی اور وہ (اور کچھ) نہیں سنیں گے۔
تفسیر السعدی - عبدالرحمٰن بن ناصر السعدی
﴿ لَهُمْ فِيهَا زَفِيرٌ ﴾ ” وہ جہنم میں پھنکاریں گے“ شدت عذاب کی وجہ سے ﴿وَهُمْ فِيهَا لَا يَسْمَعُونَ ﴾ وہ بہرے، گونگے اور اندھے ہوں گے یا جہنم کے سخت بھڑکنے، اس کے غیظ و غضب اور اس کی پھنکار کے باعث، جہنم کی آواز کے سوا کوئی اور آواز نہیں سن سکیں گے۔