سورة طه - آیت 120

فَوَسْوَسَ إِلَيْهِ الشَّيْطَانُ قَالَ يَا آدَمُ هَلْ أَدُلُّكَ عَلَىٰ شَجَرَةِ الْخُلْدِ وَمُلْكٍ لَّا يَبْلَىٰ

ترجمہ ترجمان القرآن - مولانا ابوالکلام آزاد

لیکن پھر شیطان نے آدم کو وسوسہ میں ڈالا، اس نے کہا اے آدم ! میں تجھے ہمیشگی کے درخت کا نشان دے دوں؟ اور ایسی پادشاہی کا جو کبھی زائل نہ ہو؟

تفسیر السعدی - عبدالرحمٰن بن ناصر السعدی

شیطان ان دونوں کے دلوں میں وسوسہ ڈالتا رہا اور ان کے سامنے اس درخت کے پھل کے کھانے کو مزین کرتا رہا، چنانچہ وہ ان سے کہتا : ﴿هَلْ أَدُلُّكَ عَلَىٰ شَجَرَةِ الْخُلْدِ﴾ یعنی جو کوئی اس کو کھائے گا وہ ہمیشہ جنت میں رہے گا۔ ﴿وَمُلْكٍ لَّا يَبْلَىٰ﴾ اور جب وہ اس درخت کا پھل کھا لے گا تو ایسی بادشاہت حاصل ہوگی جو کبھی منقطع نہ ہوگی۔