یعنی ہر قسم کا رزق اور ہر قسم کی تقدیر اللہ تعالیٰ کے سوا کسی کے قبضہ اختیار میں نہیں، رزق کے خزانے اسی کے ہاتھ میں ہیں وہ اپنی حکمت اور بے کراں رحمت کے مطابق جسے چاہتا ہے عطا کرتا ہے اور جسے چاہتا ہے محروم کردیتا ہے ﴿وَمَا نُنَزِّلُهُ﴾ ” اور نہیں اتارتے ہم اس کو“ یعنی ہر مقررہ چیز، جیسے بارش وغیرہ ﴿إِلَّا بِقَدَرٍ مَّعْلُومٍ﴾ ” مگر معین اندازے پر“ یعنی اس کی جو مقدار اللہ تعالیٰ نے مقرر کردی ہے، اس سے زیادہ ہوتی ہے نہ اس سے کم ہوتی ہے۔