سورة البروج - آیت 3

وَشَاهِدٍ وَمَشْهُودٍ

ترجمہ ترجمان القرآن - مولانا ابوالکلام آزاد

اور قسم ہے حاضرہونے والے دن کی اور اس دن کی جس میں لوگ حاضر ہوتے ہیں

تفسیر مکہ - حافظ صلاح الدین یوسف حافظ

* شَاهِدٍ اور مَشْهُودٍ کی تفسیر میں بہت اختلاف ہے۔ امام شوکانی نے احادیث وآثار کی بنیاد پر کہا ہے کہ شاہد سے مراد جمعہ کا دن ہے، اس دن جس نےجو بھی عمل کیا ہوگا یہ قیامت کے دن اس کی گواہی دے گا۔ اور مشہود سے عرفے (9 ذوالحجہ ) کا دن ہے جہاں لوگ حج کے لئے جمع اور حاضر ہوتے ہیں۔