سورة المعارج - آیت 43
يَوْمَ يَخْرُجُونَ مِنَ الْأَجْدَاثِ سِرَاعًا كَأَنَّهُمْ إِلَىٰ نُصُبٍ يُوفِضُونَ
ترجمہ ترجمان القرآن - مولانا ابوالکلام آزاد
جس روز کہ یہ قبروں سے نکل کر میدان حشر کی طرف دوڑے جارہے ہوں گے جیسے دوڑ کے مقررہ نشانوں کی طرف دوڑے چلے جارہے ہیں
تفسیر احسن البیان - حافظ صلاح الدین یوسف رحمہ اللہ
1- اجداث جمع ہے ۔جدث کے معنی ہیں قبر۔ نُصُبٌ تھانے جہاں بتوں کے نام پر جانور ذبح کیے جاتے ہیں اور بتوں کے معنی میں بھی استعمال ہے۔ بتوں کے پجاری جب سورج طلوع ہوتا تھا تو نہایت تیزی سے اپنے بتوں کی طرف دوڑتے کہ کون پہلے اسے بوسہ دیتا ہے۔ اسی طرح قیامت والے دن اپنی قبروں سے برق رفتاری سے نکلیں گے۔ یوفضون یسرعون کے معنی میں ہے۔