سورة الحجرات

إِنَّ الَّذِينَ يُنَادُونَكَ مِن وَرَاءِ الْحُجُرَاتِ أَكْثَرُهُمْ لَا يَعْقِلُونَ

اے پیغمبر) جو لوگ تمہیں مکان کے باہر سے نام لے کر پکارتے ہیں ان میں اکثر ایسے ہیں جنہیں مطلق عقل وتمیز نہیں۔

* یہ آیت قبیلہ بنو تمیم کے بعض اعرابیوں (گنوار قسم کے لوگوں) کے بارے میں نازل ہوئی، جنہوں نے ایک روز دوپہر کےوقت، جو کہ نبی (ﷺ) کےقیلولے کا وقت تھا، حجرے سےباہر کھڑے ہو کر عامیانہ انداز سے یا محمد یا محمد کی آوازیں لگائیں تاکہ آپ (ﷺ) باہر تشریف لے آئیں۔ (مسند احمد3 / 488۔ 6 / 394) اللہ تعالیٰ نے فرمایا: ان کی اکثریت بے عقل ہے۔ اس کا مطلب یہ ہوا کہ نبی (ﷺ) کی جلالت شان اور آپ (ﷺ) کےادب واحترام کے تقاضوں کا خیال نہ رکھنا، بے عقلی ہے۔