سورة الزخرف - آیت 83

فَذَرْهُمْ يَخُوضُوا وَيَلْعَبُوا حَتَّىٰ يُلَاقُوا يَوْمَهُمُ الَّذِي يُوعَدُونَ

ترجمہ ترجمان القرآن - مولانا ابوالکلام آزاد

سوآپ ان کوچھوڑیے کہ یہ انہی بے ہودہ خیالات میں منہمک اور کھیل میں لگے رہیں حتی کہ اپنا وہ دن دیکھ لیں جس کا ان سے وعدہ کیا جاتا ہے

تفسیر مکہ - حافظ صلاح الدین یوسف حافظ

* یعنی اگر یہ ہدایت کا راستہ نہیں اپناتے تو اب انہیں اپنے حال پر چھوڑ دیں اور دنیا کے کھیل کود میں لگا رہنے دیں۔ یہ تہدید وتنبیہ ہے۔ ** ان کی آنکھیں اسی دن کھلیں گی جب ان کے اس روئیے کا انجام ان کے سامنے آئے گا۔