سورة فصلت - آیت 54

أَلَا إِنَّهُمْ فِي مِرْيَةٍ مِّن لِّقَاءِ رَبِّهِمْ ۗ أَلَا إِنَّهُ بِكُلِّ شَيْءٍ مُّحِيطٌ

ترجمہ ترجمان القرآن - مولانا ابوالکلام آزاد

آگاہ رہو یہ لوگ اپنے رب کے روبرحاضر ہونے سے شک وشبہ میں پڑے ہوئے ہیں یادرکھو کہ اس نے ہر چیز کا احاطہ کرکھا ہے

تفسیر مکہ - حافظ صلاح الدین یوسف حافظ

* اس لیے اس کی بابت غور وفکر نہیں کرتے، نہ اس کے لیے عمل کرتے ہیں اور نہ اس دن کا کوئی خوف ان کے دلوں میں ہے۔ ** بنا بریں اس کے لیے قیامت کا وقوع قطعاً مشکل امر نہیں کیونکہ تمام مخلوقات پر اس کا غلبہ وتصرف ہے وہ اس میں جس طرح چاہے تصرف کرے، کرتا ہے، کرسکتا ہے اور کرے گا، کوئی اس کو روکنے والا نہیں ہے۔