سورة غافر - آیت 36

وَقَالَ فِرْعَوْنُ يَا هَامَانُ ابْنِ لِي صَرْحًا لَّعَلِّي أَبْلُغُ الْأَسْبَابَ

ترجمہ ترجمان القرآن - مولانا ابوالکلام آزاد

اور فرعون نے کہا، اے ہامان ! میرے لیے ایک بلند عمارت بنا تاکہ میں ان راستوں پر پہنچ سکوں

تفسیر احسن البیان - حافظ صلاح الدین یوسف رحمہ اللہ

1- یہ فرعون کی سرکشی اور تمرد کا بیان ہے کہ اس نے اپنے وزیر ہامان کو ایک بلند عمارت بنانے کا حکم دیا تاکہ اس کے ذریعے سے وہ آسمان کے دروازوں تک پہنچ جائے۔ اسباب کے معنی دروازے، یا راستے کے ہیں۔ مزید دیکھیے القصص، آیت 28۔