سورة العنكبوت - آیت 14
وَلَقَدْ أَرْسَلْنَا نُوحًا إِلَىٰ قَوْمِهِ فَلَبِثَ فِيهِمْ أَلْفَ سَنَةٍ إِلَّا خَمْسِينَ عَامًا فَأَخَذَهُمُ الطُّوفَانُ وَهُمْ ظَالِمُونَ
ترجمہ ترجمان القرآن - مولانا ابوالکلام آزاد
اور بلاشبہ ہم نے نوح کو ان کی قوم کی طرف پیغمبر بناکربھیجا ہے (٥) سو وہ ان میں پچاس کم ایک ہزار برس ٹھہرے (٦) آخر کار ان لوگوں کو طوفان نے آگھیرا اور وہ بڑے ہی نافرمان تھے
تفسیر احسن البیان - حافظ صلاح الدین یوسف رحمہ اللہ
1- قرآن کے الفاظ سے معلوم ہوتا ہے کہ یہ ان کی دعوت وتبلیغ کی عمر ہے۔ ان کی پوری عمر کتنی تھی؟ اس کی صراحت نہیں کی گئی۔ بعض کہتے ہیں چالیس سال نبوت سے قبل اور ساٹھ سال طوفان کے بعد، اس میں شامل کر لیے جائیں۔ اور بھی کئی اقوال ہیں، وَاللهُ أَعْلَمُ بِالصَّوَابِ۔