سورة النحل - آیت 50
يَخَافُونَ رَبَّهُم مِّن فَوْقِهِمْ وَيَفْعَلُونَ مَا يُؤْمَرُونَ ۩
ترجمہ ترجمان القرآن - مولانا ابوالکلام آزاد
وہ اپنے پروردگار سے ڈرتے رہتے ہیں جو ان کے اوپر موجود ہے، اور جو کچھ حکم انہیں دیا جاتا ہے اس کی تعمیل کرتے ہیں۔
تفسیر احسن البیان - حافظ صلاح الدین یوسف رحمہ اللہ
1- اللہ کے خوف سے لرزاں وترساں رہتے ہیں۔ 2- اللہ کے حکم سے سرتابی نہیں کرتے بلکہ جس کا حکم دیا جاتا ہے، بجا لاتے ہیں، جس سے منع کیا جاتا ہے، اس سے دور رہتے ہیں۔