سورة الاعراف - آیت 2

كِتَابٌ أُنزِلَ إِلَيْكَ فَلَا يَكُن فِي صَدْرِكَ حَرَجٌ مِّنْهُ لِتُنذِرَ بِهِ وَذِكْرَىٰ لِلْمُؤْمِنِينَ

ترجمہ ترجمان القرآن - مولانا ابوالکلام آزاد

( اے پیغمبر) یہ کتاب ہے (١) جو تم پر نازل کی گئی ہے۔ اس لیے کہ اس کے ذریعہ لوگوں کو (انکار و بدعملی کی پاداش سے) خبردار ہوشیار کردو اور اس لیے کہ ایمان رکھنے والے کے لیے بیدار و نصیحت ہو۔ دیکھو ایسا نہ ہو کہ اس بارے میں کسی طرح کی تنگ دلی تمہارے اندر راہ پائے۔

تفسیر اشرف الہواشی - محمد عبدہ لفلاح

ف 9 یعنی آپ (ﷺ) کسی خوف اور جھجک کے بغیر ان لوگوں تک پہنچادیں اور اگر لوگ آپ (ﷺ) کی مخالفت کریں اور آپ (ﷺ) کا مذاق اڑائیں تو آپ (ﷺ) رنجیدہ اور کبیدہ خاطر نہ ہوں کیونکہ آپ (ﷺ) کے ذمہ صرف پہنچا دینا ہے ہدایت دینا یا نہ دینا آپ (ﷺ) کا کام نہیں ہے۔