سورة الفجر - آیت 17

كَلَّا ۖ بَل لَّا تُكْرِمُونَ الْيَتِيمَ

ترجمہ ترجمان القرآن - مولانا ابوالکلام آزاد

ہرگز نہیں بلکہ تم لوگ یتیم سے عزت کاسلوک نہیں کرتے

تفسیر اشرف الہواشی - محمد عبدہ لفلاح

ف 2 یعنی تمہارا یہ خیال درست نہیں کہ جس پر وہ روزی تنگ كرتا ہے وہ اس کی نظر میں ذلیل ہے اور جس کو وہ بھرپور دولت دیتا ہے وہ اس کے نزدیک پسندیدہ ہے بلکہ بسا اوقات کفار کو دنیاوی مال و متاع سے نوازا جاتا ہے تاکہ اپنی سرکشی میں مزید ترقی کرتے رہیں۔ اسی کا نام استدراج ہے۔