سورة نوح - آیت 1

إِنَّا أَرْسَلْنَا نُوحًا إِلَىٰ قَوْمِهِ أَنْ أَنذِرْ قَوْمَكَ مِن قَبْلِ أَن يَأْتِيَهُمْ عَذَابٌ أَلِيمٌ

ترجمہ ترجمان القرآن - مولانا ابوالکلام آزاد

ہم نے نوح کو ان کی قوم کی طرف (رسول بناکر) بھیجا اور حکم دیا کہ اپنی قوم کے لوگوں کو خبردار کردے، قبل اس کے کہ ان پر دردناک عذاب آنازل ہو (٢)۔

تفسیر اشرف الہواشی - محمد عبدہ لفلاح

ف 3 حضرت نوح (علیہ السلام) پہلے رسول ہیں جنہیں اللہ تعالیٰ نے بندوں کو شرک کے انجام سے ڈرانے کا حکم دیا۔ ان کے زمانہ اور عمر وغیرہ کے متعلق بحث سورۃ عنکبوت میں گزر چکی ہے۔ ف 4 مراد دوزخ کا عذاب بھی ہوسکتا ہے اور طوفان کا بھی۔