بِسْمِ اللَّهِ الرَّحْمَٰنِ الرَّحِيمِ
شروع اللہ کے نام سے جو بے حد مہربان اور نہایت رحم والا ہے
ف 1 یہ سورۃ بالاتفاق مکی ہے اور اس کے چار نام بھی ہیں ” تبارک، الواقعہ ” المنجیہ“ المانعہ‘ حضرت ابوہریرہ(رض) سے روایت ہے کہ آنحضرت(ﷺ) نے فرمایا : اللہ کی کتاب میں ایک سورۃ نے جو تیس آیتوں پر مشتمل ہے ایک آدمی کے لئے شفاعت کی یہاں تک کہ اسے بخش دیا گیا اور وہ سورۃ تَبَارَكَ الَّذِي بِيَدِهِ الْمُلْكُ ہے۔ (شوکانی) حضرت عبداللہ بن مسعود(رض) کی روایت میں ہے کہ سورۃ ” المک“ قبر کے عذاب سے مانعه (رکاوٹ) ہے اور ابن عباس(رض) نے فرمایا سورۃ ” تبارک“ پڑھو اور اپنے گھر والوں تمام بچوں اور پڑوسیوں کو سکھائو اس لئے کہ وہ اپنے پڑھنے والوں کی طرف سے قیامت کے دن مدافعت کرے گی اور انہیں نجات دلائے گی۔ آنحضرت(ﷺ) کا ارشاد ہے۔” میں چاہتا ہوں کہ میری امت کے ہر شخص کے دل میں سورۃ ملک ہو۔ (مستد رک حاکم) حضرت عائشہ(رض) سے مروی ہے کہ آنحضرت(ﷺ) سورۃ الم تَنْزِيلُ السَّجْدَةَ اور تَبَارَكَ الَّذِي بِيَدِهِ الْمُلْكُ ہر رات پڑھتے اور سفر و حضر میں کبھی ناغہ نہ کرتے۔ دعا ہے کہ اللہ تعالیٰ ہر مسلمان کو ان کے پڑھنے کی توفیق عطا فرمائے۔ بخاری کی بعض شروح میں ہے کہ رویت ہلال پر اس کی قرأت مندوب ہے۔ امید ہے کہ اس کا پڑھنے والا اس مہینہ کے شرور سے محفوظ رہے گا۔ (روح)