سورة المنافقون - آیت 6

سَوَاءٌ عَلَيْهِمْ أَسْتَغْفَرْتَ لَهُمْ أَمْ لَمْ تَسْتَغْفِرْ لَهُمْ لَن يَغْفِرَ اللَّهُ لَهُمْ ۚ إِنَّ اللَّهَ لَا يَهْدِي الْقَوْمَ الْفَاسِقِينَ

ترجمہ ترجمان القرآن - مولانا ابوالکلام آزاد

اے نبی تم ان کے لیے مغفرت کی دعا کرویانہ کرو (یہ دونوں) ان کے لیے یکساں ہیں اللہ تعالیٰ ہرگز انہیں معاف نہیں کرے گا بیشک اللہ فاسقوں کو ہدایت نہیں دیتا (٣)

تفسیر اشرف الہواشی - محمد عبدہ لفلاح

ف 10 اس سے مقصود آنحضرت)ﷺ( کو تسکین دینا ہے کیونکہ منافقوں کی تمام شرارتوں اور بے ادبیوں کے باوجود آپ)ﷺ( اپنی طبعی رحمت و شفقت کی بنا پر چاہتے تھے کہ ان کے لئے معافی کی دعا فرمائیں۔ اللہ تعالیٰ نے آپ)ﷺ( کو ان کے لئے دعا کرنے سے منع فرمایا کیونکہ ان کی سرکشی حد سے بڑھ چکی تھی۔