سورة الرحمن - آیت 6

وَالنَّجْمُ وَالشَّجَرُ يَسْجُدَانِ

ترجمہ ترجمان القرآن - مولانا ابوالکلام آزاد

اور درختوں اور ستاروں نے بھی اپنے بلند سروں کو اس نظام کے آگے جھکا دیا ہے

تفسیر اشرف الہواشی - محمد عبدہ لفلاح

ف 6 ” نجم“ کے مشہور اور متبادر معنی ستارے کے ہیں لیکن یہ ایسے پودے اور بیل بوٹوں کے لئے بھی بولا جاتا ہے جن کا تنا نہیں ہوتا۔ اس لئے متن میں اس کاترجمہ ” بیل“ بھی کیا گیا ہے اور یہ معنی ” الشَّجَرُ “ کے قرین ہونے کے اعتبار سے انسب ہیں۔ ف 7 یعنی اسی کے حکم کے تابع اور اسی کے قانون کے پابند ہیں۔ اس نے ان کے لئے جو ضابطہ اور نظم مقرر فرما دیا ہے اس سے سرموانحراف نہیں کرتے۔