سورة الطور - آیت 23
يَتَنَازَعُونَ فِيهَا كَأْسًا لَّا لَغْوٌ فِيهَا وَلَا تَأْثِيمٌ
ترجمہ ترجمان القرآن - مولانا ابوالکلام آزاد
وہ جنت میں شراب کے جام لپک لپک کرلے رہے ہوں گے جس میں نہ کوئی یا وہ گوئی ہوگی اور نہ کوئی گناہ کی بات۔
تفسیر اشرف الحواشی - محمد عبدہ الفلاح
ف 1 یعنی ان میں شراب کا دور چلے گا اور وہ خوش طبعی کے طور پر ایک دوسرے سے جام چھینیں گے لیکن وہ شراب ایسی ہوگی کہ اس میں نشاط اور لذت تو ہوگی، نشہ، بولاس اور فتور عقل وغیرہ کچھ نہ ہوگا اور نہ اسے پی کر وہ بری حرکات کا ارتکاب کریں گے۔