سورة الدخان - آیت 7

رَبِّ السَّمَاوَاتِ وَالْأَرْضِ وَمَا بَيْنَهُمَا ۖ إِن كُنتُم مُّوقِنِينَ

ترجمہ ترجمان القرآن - مولانا ابوالکلام آزاد

وہ آسمانوں اور زمین کا اور جو کچھ ان کے مابین ہے سب کا مالک ہے اگر تم واقعی یقین کرنے والے ہو

تفسیر اشرف الحواشی - محمد عبدہ الفلاح

ف 13 کفار مکہ یہ اقرار کرتے تھے کہ اللہ تعالیٰ ہی ان کا اور اس ساری کائنات کا مالک ہے۔ اس لئے ان سے فرمایا جا رہا ہے اگر تم یہ اقرار دلی یقین سے کرتے ہو تو تمہیں تسلیم کرنا چاہیے کہ اللہ تعالیٰ نے ہی تمام پیغمبروں (صلی اللہ علیہ وآلہ وسلم) کو بھیجا ہے اور کتابیں اتاری ہیں کیونکہ ایسا کرنا اس کی رحمت کا عین تقاضا ہے۔